Siku 30 za TCRA kwa nyaya za intaneti, wananchi wataka utekelezaji

Nyaya za intaneti zinazoning’inia kwenye nguzo, kupita juu ya mapaa ya majengo na kutanda katika mitaa ya biashara zimeendelea kuwa kero kwa wakazi wa Dar es Salaam, huku wananchi na viongozi wa mitaa wakitaka agizo la siku 30 lililotolewa na Mamlaka ya Mawasiliano Tanzania (TCRA) lisibaki kwenye maandishi, bali litekelezwe kwa vitendo.