Wakulima vijana wanachohitaji ni zaidi ya ushauri

Kwa muda mrefu, tunapozungumzia namna ya kuwavutia vijana kuingia na kubaki katika kilimo, tumekuwa tukisisitiza mafunzo, ushauri wa kilimo, ujasiriamali na matumizi ya teknolojia. Lakini uzoefu kutoka katika utekelezaji wa programu za Norges Vel nchini Tanzania kupitia miradi yake ya kuendeleza kilimo cha mpunga, hususan COMRICE, unaonyesha umuhimu wa kuunganisha maarifa na umiliki au upatikanaji wa mali za uzalishaji.